Hindi maitago ng dating “Pinoy Big Brother” housemate at “StarStruck” finalist na si Jesi Corcuera ang kaniyang ngiti bilang isang transman.
Proud na ibinahagi ni Jesi sa kaniyang Instagram account ang larawan kung saan makikita ang marka mula sa pinagdaanang chest surgery.
“Maaring hindi niyo maintindihan ang sayang aking nararamdaman pero sa likod ng mga hiwa sa ilalim ng aking dibdib, yan ang simbolo ng aking kalayaan. Kalayaan sa mapanghusgang lipunan,” saad ni Jesi.
Mensahe nito sa mga miyembro ng LGBTQ+ community, “Para sa mga tulad kong parte ng makulay na bahaghari, ‘wag kayong titigil makamit ang inyong kalayaan at kasiyahan.”
Nagpasalamat naman si Jesi sa kaniyang pamilya, sa nobya, at sa doktor na sumuporta sa kaniya.