Moreno, pabor sa face-to-face debate ng presidential candidates

Pabor si Manila Mayor Isko Moreno sa face-to-face na debate ng mga kandidato sa pagka-pangulo ng bansa.

Ayon kay Moreno, pabor sa tao ang face-to-face na debate dahil malalaman ng publiko kung ano ang intensyon ng isang kandidato.

Makikilatis aniya nang husto ng mga botante kung sino sa kanila ang karapat-dapat na mahalal sa puwesto.

Sinabi pa ni Moreno na magiging issue-based ang kanyang pag-atake sa mga debate at hindi ang paninira sa mga kapwa kandidato.

Sinabi pa ni Moreno na tiyak naman na sasailalim sa swab test at tatalima sa mga health protocols kontra COVID-19 oras na isagawa ang debate.

Ayon kay Moreno, matagal na siyang handa sa debate.