2022 General Appropriations Bill naipasa na ng Kamara sa Senado

By Jan Escosio October 28, 2021 - 09:16 AM

 

Inanunsiyo ni House Speaker Lord Allan Velasco na naipasa na nila noong nakaraang Lunes sa Senado ang 2022 General Appropriations Bill na naglalaman ng isinusulong na P5.024 trillion pambansang pondo sa susunod na taon.

Sinabi ni Velasco na napaaga pa ng dalawang araw ang itinakda nilang deadline na maipapasa nila sa Mataas na Kapulungan ng Kongreso ang panukala.

Aniya umaasa sila na nabigyan nila ng sapat na panahon ang mga senador para mabusisi ng husto ang panukalang pambansang pondo at makagawa ang Senado ng sariling bersyon ng GAB.

“We look forward to the bicameral conference where we can thresh out and reconcile the differing provisions of the House and Senate versions,” sabi ni Velasco.

 

Ito naman aniya ay upang maipasa ng Kongreso sa Malakanyang ang proposed 2022 national budget at mapirmahan na ito ni Pangulong Duterte ng Disyembre.

 

Ayon kay Velasco, iniiwasan nila na paganahin ang ‘reenacted budget’ sa pagpasok ng bagong taon dahil maapektuhan ang mga ginagawang hakbang para makabangon ang bansa sa pandemya.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.