Partylist solon umapila ng dagdag suporta kay world champion Carlos Yulo, iba pa pang Pinoy gymnasts
Sa parangal at pagkilala na ibinigay ni gymnast Carlos Yulo sa Pilipinas at sambayanang Filipino, umapila si Senior Citizen Partylist Representative Rodolfo Ordanes ng dagdag suporta sa una at sa iba pang Filipino gymnasts.
Katuwiran ni Ordanes, hindi matatawaran ang inihatid na parangal ni Yulo kayat nararapat lamang na suklian ito ng sapat na suporta.
“Tama na ikuwento at ibida natin na mga lolo at lola sa ating mga apo si Carlos Yulo. Kung ano ang kanyang nagawa sa larangan ng gymnastics at ano ang karangalan na inihatid niya para sa lahing Filipino,” sabi ni Ordanes.
Dagdag pa ng mambabatas magandang gawing ehemplo si Yulo sa mga kabataan ngayon.
“You’re Caloy Tumbling for your gymnastics on the floor and in the air, an exemplary role model for the current young and the younger generation of Filipinos, we seniors care for and continue to look after,” sabi pa ng namumuno sa House Special Committee on Senior Citizens.
Kasabay nito ang kanyang pasasalamat sa Gymnastics Asso. of the Phils, Philippine Olympic Committee, Philippine Sports Commission, gayundin sa gobyerno at mamamayan ng Japan dahil sa pagbuhos ng suporta kay Yulo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.