Presyo ng mga produktong petrolyo, tataas na naman

By Angellic Jordan October 25, 2021 - 02:24 PM

Abiso sa mga motorista.

Magpapatupad muli ng pagtaas sa presyo ng mga produktong petrolyo.

Batay sa anunsiyo ng Caltex, Cleanfuel, Petro Gazz, PTT Philippines, Seaoil, Shell, at Unioil, may dagdag na P0.45 sa kada litro ng diesel habang P1.15 naman ang itataas sa kada litro ng gasolina.

Magkakaroon naman ng P0.55 na patong sa bawat litro ng kerosene ng Caltex, Seaoil at Shell.

Mauunang ipatupad ang oil price increase sa Caltex bandang 12:01, Martes ng madaling-araw (October 26).

Magiging epektibo naman ang oil price adjustment ng Petro Gazz, PTT Philippines, Seaoil, Shell, at Unioil bandang 6:00, Martes ng umaga.

Samantala, dakong 4:01, Martes ng hapon magsisimulang mabago ang presyo ng mga produktong petrolyo ng Cleanfuel.

Asahang mag-aanunsiyo na rin ang iba pang oil companies ng kanilang oil price adjustment.

Ito na ang ika-siyam na sunod na linggong nagkaroon ng oil price hike.

TAGS: BUsiness, DieselPrice, GasolinePrice, InquirerNews, KerosenePrice, OilPriceHike, OilPriceIncrease, RadyoInquirerNews, BUsiness, DieselPrice, GasolinePrice, InquirerNews, KerosenePrice, OilPriceHike, OilPriceIncrease, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Subscribe to our daily newsletter

By providing an email address. I agree to the Terms of Use and
acknowledge that I have read the Privacy Policy.