Senador Bong Go nanguna sa vice presidential survey

Pinakain ng alikabok ni Senador Bong Go ang mga kalabang kandidato sa pagka-bise presidente ng bansa sa susunod na taon. Ito ay dahil sa nanguna si Go sa vice presidential survey na isinagawa ng Publicus Asia Incorporated. Nakakuha si Go ng  23.6% rating kumpara sa mga kalabang sina Doctor Willie Ong na nakakuha ng 19% at Senate President Tito Sotto na nakakuha ng 17.3%. Pang-apat si Senador Kiko Pangilinan sa 12.3%, sumunod si Buhay party-list Rep. Lito Atienza na may 2.6%. May kabuuang 1,500 respondents ang sumagot sa isinagawang survey noong October 11 hanggang October 18, 2021.