Dikit na dikit na ang laban sa pagitan nina Sen. Bongbong Marcos at Camarines Sur Rep. Leni Robredo sa vice presidential race ayon sa pinakahuling survey ng BusinessWorld-Social Weather Stations (SWS).
Sa survey ng SWS na isinagawa mula May 1 hanggang 3, nakamit muli ni Marcos ang top spot sa pagkuha ng 29 percent.
Nakatanggap naman si Robredo ng 28 percent, kaya lumalabas na ang dalawang vice presidentiables ay statistically tied.
Tumaas ng apat na puntos ang nakuha ni Marcos mula sa naunang survey na ginawa noong April 18 hanggang 20, habang dalawang puntos naman ang ini-angat ni Robredo.
Samantala, pumapangatlo naman si Sen. Chiz Escudero sa 15 percent, at pang-apat si Sen. Alan Peter Cayetano.
Kapwa namang nakakuha ng 3 percent sina Sen. Gringo Honasan at Sen. Antonio Trillanes IV.
Ang nasabing pinakahuling survey ng SWS ay nilahukan ng 1,800 na respondents na pawang mga registered voters na may +/- 2 points na margin of error.