Hindi na nagpahuli ng buhay ang apat na Chinese citizens sa mga ahente ng Philippine Drug Enforcement Agency (PDEA) sa isang buy-bust operation sa Angeles City, Pampanga.
Nabatid na 38 kilo ng shabu na nagkakahalaga ng P265 milyon ang narekober sa operasyon sa Punta Verde Subd., sa Barangay Pulong Cacutod dakong 10:00, Lunes ng umaga (October 18).
Nakilala naman ang mga napatay na sina Cai Ya Bing alias Cai, 29-anyos; Erbo Ke alyas “Payat”, 24-anyos at Huang Guidong, 43-anyos at Wuyuan Shen, 40-anyos.
Nakuha din sa kanila ang apat na kalibre .45 na baril na kanilang ginamit sa pakikipagbarilan sa mga ahente ng PDEA.
Katuwang din sa operasyon ang mga tauhan ng AFP Task Force NOAH, AFP Northern Luzon Command at Bureau of Customs.