Pinalawig pa ng Commission on Elections (Comelec) ang oras ng pagpapa-rehistro para sa mga botante sa Metro Manila at ilang piling lugar.
Ayon sa Comelec, sa halip na 8:00 ng umaga hanggang 5:00 ng hapon, gagawin na ito ng 8:00 ng umaga hanggang 7:00 ng gabi mula October 16 hanggang 23.
Mananatili naman sa 8:00 ng umaga hanggang 5:00 ng hapon ang voter registration tuwing araw ng Sabado.
Kabilang sa mga extended ang voter registration Metro Manila; Alcala at San Quintin sa Pangasinan; Tarlac City, Capas at Concepcion sa Tarlac.
Kasama rin sa pinalawig ang oras sa lahat ng munisipalidad ng Quezon; Labo, Camarines Norte; Castilla, Sorosogon; Cebu, Mandaue, at Lapu-Lapu sa Cebu province.
Matatandaan na sa halip noong September 30 ang deadline, pinalawig ng Comelec ang voter registration ng hanggang October 30.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.