Cash aid sa mga magsasaka at mangingisda kailangan na – Sen. Cynthia Villar

By Jan Escosio October 14, 2021 - 05:56 PM

Higit P600 milyon ang tinatayang pinsalang idinulot ng bagyong Maring sa sektor ng agrikultura.

 

Bunga nito, sinabi ni Sen. Cynthia Villar na dapat ang agarang pagbibigay ng tulong pinansiyal sa mga magsasaka at mangingisda.

 

Sa datos na ibinigay ng Department of Agriculture (DA), 29,063 magasaka at mangingisda ang naapektuhan ng nagdaang bagyo, na puminsala ng 32,882 ektarya sa Ilocos, Cordillera, Cagayan, Central Luzon, Bicol at Western Visayas Regions.

 

Sinabi pa ng namumuno sa Senate Committee on Agriculture, lubhang apektado din ang mga magsasaka ng mababang presyo ng palay, gayundin ng kasalukuyang pandemya.

 

Paalala ni Villar, nakarekomenda sa Cash Assistance for Filipino Farmers Act of 2020, ang anumang halaga na sosobra sa P10-B Rice Competitiveness Enhancement Fund (RCEF) ay awtomatikong ibibigay bilang ayuda sa may 1.67 milyong maliliit na magsasaka sa bansa.

 

Dagdag pa niya ang pagbibigay subsidiya sa mga magsasaka ay nakapaloob din sa Rice Tarrification Law.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Subscribe to our daily newsletter

By providing an email address. I agree to the Terms of Use and
acknowledge that I have read the Privacy Policy.