Pangulong Duterte, nagbibiro lang nang magbantang tuturukan habang tulog ang mga ayaw magpabakuna vs COVID-19

Nagbibiro lamang si Pangulong Rodrigo Duterte nang magbanta na tuturukan habang natutulog ang mga ayaw magpabakuna kontra COVID-19.

Ayon kay Presidential Spokesman Harry Roque, joke lamang ang pahayag ng pangulo na aakyat ng bahay sabay turog habang tulog.

Karaniwan aniyang mahaba ang ‘Talk to the People’ ng Pangulo at ang nakita ng taong bayan noong nakalipas na araw ay kapiraso lamang.

Dahil sa haba aniya ng pagpupulong, hindi maiwasan ng Pangulo na magbiro para hindi makatulog ang mga miyembro ng Gabinete.

Matatandaang sa ‘Talk to the People’, problemado ang Pangulo dahil marami pa rin ang ayaw magpabakuna.