Leyte Rep. Roger Mercado bagong kalihim ng DPWH

Itinalaga ni Pangulong Duterte si Leyte Representative Roger Mercado bilang bagong kalihim ng Department of Public Works and Highways (DPWH).

 

Uupuan ni Mercado ang iniwang posisyon ni Mark Villar na makikilahok sa 2022 elections.

 

Ang pagtalaga kay Mercado ay kinumpirma ni Presidential spokesman Harry Roque.

 

Aniya ang appointment paper ni Mercado ay pinirmahan kahapon ni Pangulong Duterte.

 

Ipinanumpa ni Executive Sec. Salvador Medialdea si Mercado sa bago nitong posisyon.

 

Sa Mababang Kapulungan, vice chairman ng House Committee on Public Works and Highways si Mercado.