Karagdagang kalsada sinara dahil sa #MaringPH, #NandoPH
Karagdagan pang kalsada ang isinara dahil sa Tropical Storm Maring at Tropical Depression Nando.
Base sa record hanggang 1:00, Martes ng hapon (October 12), iniulat ng Department of Public Works and Highways Bureau of Maintenance (DPWH-BOM) ang 24 national road sections, kabilang ang 17 sa Cordillera Administrative Region, tatlo sa Region 1, tatlo sa Region 2 at isa sa Region 7 dahil sa bumagsak na puno, landslide, pagbaha, tuluy-tuloy na mudslides at nasirang tulay.
Tanging mabibigat na sasakyan naman ang pwedeng dumaan sa Manila North Road, K0333+000, Sta. Cruz-Sta. Lucia Bdry, K0347+000, Candon, at K0369+800, Brgy. Baliw Daya, Sta Maria sa Ilocos Sur; at Manila North Road, K0287+800 sa La Union dahil sa pagbaha.
Maari pa ring daanan sa light vehicles ang Batangas-Tabangao-Lobo Road, Sta.138+150 hanggang 145+400 sa Batangas dahil sa nasirang seawall at road slip bunsod ng mga nagdaang bagyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.