Ayon sa state news agency ng China na Xhinhua, ang mga nasabing barko kabilang ang isang bagong guided missile destroyer ay kasama na sa kanilang anti-submarine, anti-missile at iba pang military exercises.
Hindi naman tinukoy ng Xhinhua kung saan ito partikular na gagawin, ngunit sinabi na gagawin itong routine at nakaplano na para sa taong ito.
Madalas namang mag-anunsyo ang China ng kanilang mga kilos sa South China Sea tulad ng ganitong exercises bilang paninindigan na inilalahad nila ang kanilang mga military deployments sa rehiyon.
Ang South China Sea ay pinag-aagawan ng China, Pilipinas, Brunei, Vietnam, Malaysia, at Taiwan. Ngunit, ang China ang umaangkin ng halos lahat ng teritoryo sa rehiyon sa pamamagitan ng pagtatayo ng mga artificial islands.