Transportation Sec. Art Tugade bumuwelta sa mapanirang artikulo ukol sa kanyang ‘offshore investment’
Malisyoso at mapanirang-puri.
Ito ang pagsasalawaran ni Transportation Secretary Arthur Tugade sa inilabas na ulat ng Philippine Center for Investigative Journalism (PCIJ) ukol sa kanyang ‘offshore investment.’
Sinabi nito na bahagi ng ipon ng pamilya ang kanyang financial investment sa Solart Holdings simula pa noong 2003 at wala pa siya sa gobyerno.
“We decided to have a portion of our savings invested outside the Philippines, which is valid and legal,” diin ng kalihim.
Sa ulat na inilabas ng PCIJ, isinapubliko ni Tugade ang kanyang P57 million offshore investments, ngunit sinabi na wala na itong ibinagay pa na ibang detalye.
Giit naman ni Tugade na kasama ang ‘offshore investements’ sa idinedeklara niya sa kanyang Statement of Assets, Liabilities and Net Worth (SALN) na dapat ginagawa ng lahat ng opisyal ng gobyerno.
“[It] has consistently been disclosed in my sworn SALN under ‘Personal Properties – Intangible’, particularly, as ‘Offshore Investments’ from 2012 to 2020. In the said period, the account barely moved,” paliwanag pa nito.
Pagdidiin niya na wala siyang itinatago at handa niyang sagutin ang lahat ng mga alegasyon sa tamang pagkakataon.
“Wala po akong tinatago As an appointed public servant, I have taken an oath to uphold transparency, honesty, integrity and good governance. These are cherished values that I personally believe in, and I have made it a lifelong commitment to sustain and carry around myself,” dagdag pa nito.
Nilinaw din niya na hindi niya alam na may sulat sa kanya ang PCIJ para sa isang interview para makuha ang kanyang panig ukol sa isyu.
Samantala, sinabi naman ni Transportation Asec. Goddes Hope Libiran na ang layon lang naman ng ulat ng PCIJ ay para siraan ang pagkatao ni Tugade.
Ibinahagi niya na naghahanda na ang kanilang mga abogado para sa gagawin nilang mga legal na hakbang para papanagutin ang mga nasa likod ng paninira sa kalihim.
“We pray that whoever or whatever entity is behind this black propaganda, is not doing this because Secretary Tugade is now perceived as legitimate threat, and a stumbling block to their political aspirations. The article is false, misleading, and downright defamatory,” the transportation communications sabi ni Libiran.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.