Mid-year bonus ng mga gov’t employees hindi pa ibibigay
Ipinaalala ng Department of Budget and Management (DBM)na hindi maaaring ipamigay ang mid-year bonus ng mga empleyado ng gobyerno bago ang darating na May 15.
Ginawa ito ng DBM kasabay ng paglilinaw na kasama sa makakatanggap ng mid-year bonus ay mga personnel ng mga Local Government Units o LGUs.
Batay ito sa Executive Order no. 201, series of 2016 na pinirmahan ni Pangulong Noynoy Aquino alinsabay sa Budget Circular 2016-3.
Base sa nasabing executive order na kilala rin sa tawag na Modifying the Salary Schedule for Civilian Government Personnel and Authorizing the Grant of Additional Benefits for both Civilian and Military and Uniformed Personnel, ang Sangguniang Pang-Lungsod, Bayan o Lalawigan ang otorisadong maglabas ng mid-year bonus sa nasabing petsa.
Kaugnay nito, hinihikayat ng DBM ang napapanahon na release ng nabanggit na pondo sa mga empleyado ng gobyerno mapa-national o lokal na mga opisina para mapakinabangan na agad.
“The Department encourages the timely release of funds so that all government employees, national and local, can benefit from the bonus to which they are entitled”, ayon sa advisory na inilabas ng DBM.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.