“Maayos at hindi corrupt na Covid response ang susi sa magandang buhay sa lahat ng mga Pilipino, lalo na sa mga new graduates.”
Iyan ang sinabi ni Sen. Francis Pangilinan sa pagsasabing maraming bagong graduates ang nahihirapang makahanap ng trabaho.
Ayon pa kay Pangilinan dahil sa open-close lockdown ay nagsasara din ang mga oportunidad para sa mga naghahanap ng trabaho kayat nadagdagan pa ang bilang ng mga walang trabaho noong Agosto.
Sa datos na inilabas ng Philippine Statistics Authority (PSA), umakyat sa 8.1 porsiyento na may katumbas na 3.88 milyong indibiduwal ang walang trabaho sa bansa noong Agosto.
Ibinahagi na rin ni National Economic Development Authority (NEDA) Sec. Karl Chua na ang paglikha ng mga trabajo ay nakadepende sa quarantine restrictions.
Sa Metro Manila 23.3 milyong manggagawa ang naapektuhan nang pairalin ang general community quarantine with heightened restrictions.
“Kahit hindi pa pandemya ay mahirap na maghanap ng trabaho kapag ikaw ay fresh graduate. Mas lalo na ngayon na mataas ang unemployment rate. This is a leadership issue. Kapag natugunan ng liderato ang Covid ay magbubukas ulit ang mga negosyo at mga trabaho,” sabi pa ni Pangilinan.