BREAKING: Alert Level System sa Metro Manila, pinalawig

Pinalawig ng Inter-Agency Task Force (IATF) ang pilot implementation ng Alert Levels System sa Metro Manila hanggang October 15, 2021.

Ayon kay Presidential spokesperson Harry Roque, base naging pulong sa araw ng Huwebes (September 30), inaprubahan din ng IATF ang rekomendasyong dagdagan ng 10 porsyento ang papayagang indoor capacity sa dine-in services, in-person religious services, at personal care services sa mga lugar na nasa ilalim ng Alert Level 4 nito para sa mga fully vaccinated na indibiduwal.

Pinayagan na rin ng IATF ang muling pagbubukas ng fitness studios at gyms na may 20 porsyentong kapasidad para sa mga fully vaccinated na indibiduwal. Fully vaccinated din dapat ang lahat ng nagtatrabaho sa gym.

Sinabi pa ni Roque na inaprubahan ang pilot rollout ng pagbabakuna para sa mga may edad 12 hanggang 17 sa mga bakunang binigyan ng Emergency Use Authorization (EUA) ng Food and Drug Administration (FDA).

Kasunod ng direktiba ni Pangulong Rodrigo Duterte, kinumpirma rin ng IATF ang pagbubukas ng national vaccination program para sa general population sa buong bansa.

Samantala, narito ang mga lugar na isasailalim sa Modified Enhanced Community Quarantine (MECQ) mula October 1 hanggang 15, 2021:
– Apayao
– Kalinga
– Batanes
– Bataan
– Bulacan
– Cavite
– Lucena City
– Rizal
– Laguna
– Naga City
– Iloilo Province

Ipatutupad naman ang General Community Quarantine (GCQ) with heightened restrictions mula October 1 hanggang 31, 2021 sa mga sumusunod:
– Abra
– Baguio City
– Ilocos Sur
– Pangasinan
– Cagayan
– Isabela
– City of Santiago
– Nueva Vizcaya
– Quirino
– Quezon
– Batangas
– Bacolod City
– Capiz
– Iloilo City
– Lapu-Lapu City
– Negros Oriental
– Bohol
– Zamboanga del Norte
– Zamboanga del Sur
– Cagayan de Oro City
– Misamis Oriental
– Davao del Norte
– Davao Occidental
– Butuan City
– Surigao del Sur

Iiral din ang GCQ with heightened restrictions sa Davao de Oro ngunit hanggang October 15, 2021 lamang.

Ilalagay naman sa GCQ mula October 1 hanggang 31, 2021 ang:
– Ilocos Norte
– Dagupan City
– Benguet
– Ifugao
– Tarlac
– Marinduque
– Occidental Mindoro
– Oriental Mindoro
– Puerto Princesa
– Albay
– Camarines Norte
– Aklan
– Antique
– Guimaras
– Negros Occidental
– Cebu City
– Cebu Province
– Mandaue City
– Siquijor
– Tacloban City
– Zamboanga Sibugay
– Zamboanga City
– Misamis Occidental
– Iligan City
– Davao City
– Davao Oriental
– Davao del Sur
– General Santos City
– Sultan Kudarat
– Sarangani
– North Cotabato
– South Cotabato
– Agusan del Norte
– Agusan del Sur
– Dinagat Islands
– Surigao del Norte
– Cotabato City
– Lanao del Sur

Isasailalim naman sa Modified General Community Quarantine (MGCQ) ang nalalabing parte ng bansa.

TAGS: AlertLevelSystem, areas under GCQ, areas under MGCQ, InquirerNews, NCR, RadyoInquirerNews, AlertLevelSystem, areas under GCQ, areas under MGCQ, InquirerNews, NCR, RadyoInquirerNews