Kinoronahan si Miss Cebu City Beatrice Luigi Gomez bilang Miss Universe Philippines 2021.
Nagwagi si Gomez laban sa 28 kandidata.
Nanalo rin si Gomez sa Best in Evening Gown at Best in Swimsuit.
Nakakuha rin si Miss Cebu City ng mga sumusunod na special awards:
– Miss Cream Silk
– Miss Luxxe ImmunPlus Game Changer
Samantala, itinanghal si Miss Taguig, Katrina Dimaranan bilang Miss Universe Philippines Tourism at si Miss Cavite, Victoria Vincent ang Miss Universe Philippines Charity.
Nagtapos naman sa kompetisyon si Miss Pangasinan, Maureen Wroblewitz bilang Miss Universe Philippines 1st runner-up habang si Miss Cebu Province, Steffi Aberasturi naman ang Miss Universe Philippines 2nd runner-up.
Si Gomez na ang magiging pambato ng Pilipinas upang maging ikalimang Filipina na mag-uuwi ng Miss Universe crown.