El Shaddai leader Bro. Mike Velarde, walang ineendorsong presidential candidate
Wala nan
g ie-endorsong presidential candidate si El Shaddai leader Bro. Mike Velarde.
Ayon kay Velarde, sa halip bibigyang laya niya ang mga miyembro ng nasabing Catholic charismatic group na makapili ng kung sino ang kanilang iboboto.
Imbes na mag-endorso ay binilinan na lamang ni Velarde ang mga miyembro ng El Shaddai na magnilay, magdasal, hingin ang gabay ng Panginoon at bumoto ng matalino.
Noong nakaraang linggo, inantabayanan sana kung mag-aanunsyo si Velarde ng susuportahang kandidato, pero sinabi nitong nais muna niyang hingin din ang pananaw ng kaniyang mga miyembro.
Maliban sa endorsement sana ni Velarde, ay inaabangan din ng mga pulitiko at ng mga botante ang endorsement ng Iglesia ni Cristo (INC) na kilala naman sa bloc voting.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.