Bilang ng COVID-19 cases sa Pilipinas, umabot na sa higit 2.45-M
Lagpas sa 18,000 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Biyernes (September 24), pumalo na sa 2,453,328 ang confirmed cases ng nakakahawang sakit sa bansa.
Sa nasabing bilang, 175,324 o 7.1 porsyento ang aktibong kaso.
Sinabi ng kagawaran na 18,659 ang bagong napaulat na kaso ng COVID-19 sa bansa.
88.1 porsyento sa active COVID-19 cases ang mild; 6.9 porsyento ang asymptomatic; 2.84 porsyento ang moderate; 1.5 porsyento ang severe habang 0.7 porsyento ang nasa kritikal na kondisyon.
Walang bagong napaulat na nasawi.
Dahil dito, nanatili sa 37,405 o 1.52 porsyento ang COVID-19 related deaths sa bansa.
Ayon pa sa DOH, 9,088 naman ang gumaling pa sa COVID-19.
Dahil dito, umakyat na sa 2,240,599 o 91.3 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.