‘Paid quarantine leave’ bill, inihain ni Sen. Lapid

By Jan Escosio September 24, 2021 - 04:57 PM

Inquirer File Photo

Nais ni Senator Lito Lapid na magkaroon ng karagdagang benepisyo ang mga manggagawa sa tuwing may pandemya.

Naghain ng panukala si Lapid para magkaroon ng 28 quarantine leave benefits kada taon ang mga empleyado, sa pampubliko at pribadong sektor.

Ang quarantine leave ay ibibigay sa empleyado, anuman ang kanyang employment status at ibibigay kapag siya ay nagkaroon ng exposure sa nakakahawang sakit o delikadong kemikal na nangangailangan ng quarantine.

“Napakahirap at delikado ng panahon natin ngayon pero marami pa rin sa atin ang sumasabak sa panganib para lamang makapagtrabaho. Pero ang masaklap para sa ating mga masisipag at matatapang na manggagawa, oras na tamaan sila ng sakit gaya na lamang ng COVID-19, ‘di lamang sila gagastos sa pagpapa-ospital at pagbili ng gamot, ang ilan pa sa kanila ay walang sweldong matatanggap o nauubos ang leave dahil kanilang mag-quarantine,” katuwiran ni Lapid.

Ang ibabayad sa quarantine leave ng empleyado ay maaring singilin ng kumpaniya o ahensiya sa Social Security System (SSS) o Government Service Insurance System (GSIS).

TAGS: InquirerNews, LitoLapid, Quarantine leave, RadyoInquirerNews, InquirerNews, LitoLapid, Quarantine leave, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.