Bilang ng mga nasawi dahil sa COVID-19, umabot na sa 37, 074
Pumalo na sa 37,074 ang bilang ng mga nasawi sa bansa dahil sa COVID-19.
Ito ay matapos madagdag sa talaan ang 140 na pasyente na nasawi dahil sa naturang virus.
Base sa talaan ng Department of Health, nasa 2,401,916 ang kabuuang bilang ng COVID-19 cases sa Pilipinas.
Nakapagtala ang DOH ng 16,361 na karagdagang kaso ng COVID-19.
Samantala ay mayroon namang naitalang 21,974 na gumaling.
Sa kabuuang bilang ng mga naitalang kaso sa bansa, 7.1% (171,142) ang aktibong kaso, 91.3% (2,193,700) na ang gumaling, at 1.54% (37,074) ang namatay.
Ayon sa pinakahuling ulat, lahat ng mga laboratoryo ay operational noong September 19, 2021 habang mayroong 4 laboratoryo na hindi nakapagsumite ng datos sa COVID-19 Document Repository System (CDRS).
Base sa datos sa nakaraang 14 na araw, ang kontribusyon ng 4 labs na ito ay humigit kumulang 0.4% sa lahat ng samples na naitest at 0.3% sa lahat ng positibong mga indibidwal.
Sa mga susunod na araw ay maari pang tumaas ang mga kaso ng COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.