P7.4B halaga ng mga ‘fake branded items’ sinira ng Customs Bureau

Gamit ang malaking ‘shredder,’ ginutay-gutay ng Bureau of Customs ang may P7.4 bilyong halaga ng mga nakumpiskang smuggled fake items.

Nabatid na ang mga nakumpiskang gamit ay mula sa Bagong Milenyo sa Pasay City at dinala sa isang pasilidad sa Valenzuela City para was akin.

Kabilang sa mga sinira ay mga pekeng Louis Vuitton, Crocs sandals, at Nike shoes na ang kabuuang halaga ay P7,429,638,000.

Samantala ang mga kemikal gaya ng shabu ay hinaluan ng ibang kemikal para hindi makasira sa kalikasan.

Tiniyak naman ng BOC – Port of Manila na kahit may pandemya ay paiigtingin nila ang pagbabantay ng mga pumapasok na bagay sa bansa bilang bahagi ng kanilang kampanya laban sa smuggling.