Parangal kay Josefa Llanes Escoda hiniling ni Sen. Tolentino

By Jan Escosio September 14, 2021 - 09:35 PM

Hiniling ni Senator Francis Tolentino na kilalanin ang medical unit ng Philippine Army bilang Josefa Llanes-Escoda Medical Unit Corps.

Ito aniya ay pagkilala sa pagseserbisyo sa kapwa ng nagtatag ng Girl Scouts of the Philippines.

Ginawa ni Tolentino ang panawagan sa pagdinig ng pinamumunuan niyang Committee on Local Government sa panukalang ideklarang special non-working holiday sa Ilocos Norte ang Setyembre 20 ng kada taon at tawagin itong ‘Josefa Llanes-Escoda Day’, na araw ng kanyang kapanganakan.

Nabanggit din ng senador sa mga opisyal ng National Historical Commission na maaring magkaroon ng Escoda Military Nursing Corps sa Philippine Army o Escoda Wing sa V. Luna Memorial Hospitral.

Ang tubong Dingras, Ilocos Norte ay kilalang civic leader at social worker at binansagang ‘Florence Nightingale of the Philippines.

Noong Ikalawang Digmaang Pandaigdig, kasama ang kanyang asawa, tumulong si Escoda sa mga bilanggong sundalong Filipino at Amerikano sa pamamagitan ng pagbibigay ng mga gamot, pagkain, damit at mga mensahe.

Kinalaunan ay pinatay si Escoda ng Japanese Imperial Army.

Bukod sa Girl Scouts, kabilang din si Escoda sa mga nagtatag ng National Federation of Women’s Club.

Nabanggit din ni Tolentino na ikunsidera ang pagbibigay ng Escoda Award sa natatanging nurses na nagsisilbi sa gitna ng pandemya.

TAGS: francis tolentino, InquirerNews, josefa llanes escoda, RadyoInquirerNews, francis tolentino, InquirerNews, josefa llanes escoda, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Subscribe to our daily newsletter

By providing an email address. I agree to the Terms of Use and
acknowledge that I have read the Privacy Policy.