10PM to 4AM curfew hours sa NCR, epektibo simula sa Sept. 16

Nagkasundo ang Metro Manila mayors na ipatupad ang curfew hours sa Metro Manila simula September 16 ng 10:00 ng gabi hanggang 4:00 ng umaga.

Sa Laging Handa Public Briefing, sinabi ni Metropolitan Manila Development Authority (MMDA) chairman Benhur Abalos na ipatutupad ang curfew kasabay ng pagpapatupad ng Alert Level 4 sa Metro Manila para sa pilot implementation ng granular lockdown dahil sa banta ng COVID-19.

Sinabi pa ni Abalos na nagbotohan ang Metro Manila mayors para sa bagong resolusyon.

Tatagal ang Alert Level 4 mula September 16 hanggang 30, 2021 sa Metro Manila.