Sa datos noong September 12, nasa 22,836 na bakunadong pasahero ang nakapag-avail ng libreng pamasahe sa MRT-3, LRT-2, at PNR.
Sa nasabing bilang, 3,924 na pasahero ang LRT-2 ang nalibre, 16,992 sa MRT-3 habang 1,920 naman sa PNR.
Dahil dito, umabot na sa 2,015,035 ang kabuuang bilang ng mga APOR na nabigyan ng libreng pamasahe simula noong August 3.
Pinalawig muli ang libreng sakay sa railway lines kasabay ng pagpapatupad muli ng Modified Enhanced Community Quarantine (MECQ) sa National Capital Region (NCR) hanggang September 15, 2021.
Para ma-avail ang libreng sakay, kailangan lang ipakita ng mga bakunadong pasahero ang kanilang vaccination cards.