Namahagi ang Quezon City government ng mga bisikleta at helmet sa ilang residente na nawalan ng hanapbuhay sa gitna ng pandemya.
Sa ilalim ng Tulong Pangkabuhayan Program, pinangunahan nina Mayor Joy Belmonte, Cong. Bong Suntay, Coun. Irene Belmonte, Coun. Marra Suntay, dating Coun. Babes Malaya, at Egay Yap ang pamamahagi nito sa iba’t ibang lugar sa District 4.
Nakatanggap rin ng bisikleta ang mga manggagawang nahihirapang bumiyahe dahil sa kakulangan ng mga pampublikong sasakyan sa kasagsagan ng ipinatutupad na community quarantine.
Kabilang ang naturang programa ng QC LGU na layong makatulong sa mga residenteng nawalan ng pagkakakitaan.
Bahagi rin ito ng inisyatibo para maitaguyod ang lungsod bilang isang bike-friendly city.