#KikoPH, kumikilos na pa-Hilagang Kanluran; Lugar na nakataas sa Signal no. 3, nadagdagan
Kumikilos na ang Bagyong Kiko sa direksyong Hilagang-Kanluran sa bahagi ng extreme Northern Luzon.
Sa severe weather bulletin ng PAGASA bandang 2:00 ng hapon, huling namataan ang sentro ng bagyo sa layong 190 kilometers Silangan ng Tuguegarao City, Cagayan dakong 1:00 ng hapon.
Taglay nito ang lakas ng hanging aabot sa 195 kilometers per hour malapit sa gitna at pagbugsong aabot sa 240 kilometers per hour.
Kumikilos ang bagyo sa bilis na 20 kilometers per hour.
Narito ang mga lugar nakataas sa Tropical Cyclone Wind Signal:
Signal no. 3:
– Extreme northeastern portion ng Cagayan (Santa Ana, Gonzaga)
– Eastern portion ng Babuyan Islands (Babuyan Is., Didicas Is., Camiguin Is., Pamuktan Is., Calayan Is., Panulitan Is.)
– Southern portion ng Batanes (Basco, Mahatao, Uyugan, Ivana, Sabtang)
Signal no. 2:
– Nalalabing parte ng Batanes
– Nalalabing parte ng Babuyan Islands
– Nalalabing bahagi sa eastern portion ng mainland Cagayan (Aparri, Camalaniugan, Lal-Lo, Gattaran, Baggao, Peñablanca, Buguey, Santa Teresita, Tuguegarao City, Iguig, Amulung, Alcala, Allacapan, Lasam, Ballesteros, Abulug)
– Northeastern portion ng Isabela (San Pablo, Maconacon, Divilacan, Palanan)
– Northeastern portion ng Apayao (Flora, Santa Marcela, Luna, Pudtol)
Signal no. 1:
– Nalalabing parte ng mainland Cagayan
– Eastern portion ng Ilocos Norte (Pagudpud, Adams, Dumalneg, Bangui, Vintar, Carasi, Nueva Era, Burgos, Pasuquin, Bacarra, Laoag City, Piddig, Solsona, Dingras, Sarrat, San Nicolas)
– Nalalabing parte ng Apayao
– Northern portion ng Kalinga (Balbalan, Pinukpuk, City of Tabuk, Rizal)
– Eastern portion ng Mountain Province (Paracelis)
– Northeastern portion ng Abra (Tineg, Lacub, Malibcong)
– Northwestern at southeastern portions ng Isabela (Santa Maria, Quezon, Mallig, Roxas, San Manuel, Cabatuan, Aurora, City of Cauayan, Angadanan, San Guillermo, Dinapigue, San Mariano, Cabagan, Santo Tomas, Delfin Albano, Tumauini, Quirino, Burgos, Gamu, Ilagan City, Luna, Reina Mercedes, Naguilian, Benito Soliven)
– Northern portion ng Aurora (Dilasag, Casiguran)
Ayon sa PAGASA, mararamdaman ang heavy to intense na kung minsan ay torrential rains sa northeastern portion ng Cagayan kabilang ang Babuyan Islands at Batanes hanggang Sabado ng gabi, September 11.
Sa bahagi naman ng northern Isabela at nalalabing bahagi ng Cagayan, heavy to intense rains habang moderate to heavy na kung minsan ay intense rains sa Ilocos Region, Cordillera Administrative Region, northern at central Aurora, at nalalabing bahagi ng Cagayan Valley.
Sinabi rin ng PAGASA na patuloy na palalakasin ng bagyo ang Southwest Monsoon at magdadala ng monsoon rains sa western section ng Southern Luzon at Western Visayas sa susunod na 24 na oras.
Batay pa sa abiso, kikilos ang bagyo pa-Hilagang Kanluran patungo sa Babuyan Islands-Batanes area.
Inaasahang bahagya pang lalakas ang bagyo sa susunod na 12 oras.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.