6 patay, 11 sugatan ng mahulog sa bangin ang isang van sa Quirino
Nauwi sa malagim na aksidente ang sana’y masayang outing ng isang pamilya makaraang mahulog sa bangin ang sinasakyan nilang Van sa bayan ng Madella sa Quirino Province.
Patay ng anim katao samantalang labing-isa naman ang sugatan kabilang na ang limang mga bata ayon sa ulat ni Quirino Police Provincial Director SSupt. Reynaldo Sinaon.
Naganap ang vehicular accident 2:45 ng madaling-araw sa zigzag road malapit sa Dismungal Bridge sa Brgy. Ysmael sa Madella Quirino.
Sa paunang report ay sinasabing nawalan ng preno ang van na minamaneno ni Edgar Taccaban na naging dahilan kung bakit nahulog ang kanilang sasakyan sa bangin.
Bukod sa 57-anyos na si Taccaban, patay on-the-spot ang mga biktimang sina Ester Mamauag, 57; Matdang Mamauag, 50; Maxie Mamauag, 50; Salcedo Mamauag, 58 at Nora Cardona, 52, pawang mga residente sa Brgy. Duroc Angadanan, Isabela.
Kasalukuyan namang ginagamot sa Quirino Provincial Medical Center sina Joan Garcia, 4; Editha Garcia, 33; John Menard Taccaban, 11; Emalyn Alvento; 27; Shiereen Alvento, 4; Trinidad Carabbaccan, 30; Warren Garcia, 30; John Lloyd Carrabaccan, 7; John Mark Mamauag, 6; Bentorito Carabbaccan, 50 at Albert Garcia, 29-anyos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.