Photo credit: @kyliejenner/Instagram
Inanunsiyo ng beauty mogul na si Kylie Jenner ang kaniyang pagbubuntis sa ikalawang anak.
Nag-upload ng video sa Instagram ang socialite na may caption na heart at pregnant belly emoji, at naka-tag ang rapper boyfriend na si Travis Scott.
Makikita sa video ang pagpapakita ng 24-anyos na businesswoman ng pregnancy test na may positibong resulta kay Scott.
Kasama rin sa video ang pagpunta nila sa doktor upang mapakita ang ultrasound sa kanilang tatlong taong gulang na anak na si Stormi Webster.
Kita rin sa video kung paano sinabi ni Kylie sa kaniyang ina na si Kris Jenner na buntis siya sa kanilang second baby sa pamamagitan ng mga larawan ng ultrasound.
Ibinahagi rin ni Kylie ang kaniyang baby bump at ilang video sa kaniyang ika-24 kaarawan noong August 24.