2 presidentiables lumagda sa TRUTH election covenant
Dalawa lamang sa limang presidentiables ang nagtungo ng personal sa Manila Cathedral para lumagda sa covenant para sa pagkakaroon ng Truthful, Responsible, Upright, Transparent & Honest o TRUTH Elections.
Dumalo muna sa isang misa na pinamunuan ni Manila Archbishop Antonio Cardinal Tagle sina Vice President Jejomar Binay at LP bet Mar Roxas.
Dumalo din sa misa ang mga senatoriables na sina Sen. Vicente Sotto III, Raffy Alunan, Leila de Lima, Getulio Napeñas, at Risa Hontiveros gayundin si Philippine National Police chief Director General Ricardo Marquez.
Sa kaniyang homily, sinabi ni Tagle na dapat tignan ng publiko ang eleksyon bilang isang pagkakataon ng biyaya sa ating bansa at isang bahagi ng demokrasya.
Ani Tagle, ang pagboto ay isang tungkulin hindi lamang bilang isang makabayan kundi bilang maka-Diyos.
Matapos ang misa ay kapwa lumagda sa TRUTH covenant sina Roxas at Binay.
WATCH: Roxas signs TRUTH (Truthful, Responsible, Upright, Transparent & Honest) election covenant @ Manila Cathedral pic.twitter.com/BIPJn8pqae
— jocelyn uy (@mj_uy05) May 2, 2016
WATCH: Binay signs TRUTH (Truthful, Responsible, Upright, Transparent & Honest) election covenant @ Manila Cathedral pic.twitter.com/aWFlsJMsvK
— jocelyn uy (@mj_uy05) May 2, 2016
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
