250 pasahero, stranded sa mga pantalan dahil sa #JolinaPH
Patuloy ang pag-monitor ng Philippine Coast Guard (PCG) sa mga stranded na pasahero sa mga pantalan.
Bunsod pa rin ito ng Severe Tropical Storm Jolina.
Sa maritime safety advisory hanggang 12:00, Miyerkules ng tanghali (September 9), stranded ang 250 pasahero, drivers at cargo helpers sa mga pantalan sa Southern Tagalog, Western Visayas, at Bicol region.
Maliban dito, stranded din ang tatlong vessels, limang motorbanca, at 251 rolling cargoes sa nasabing rehiyon.
Ayon sa PCG, nakararanas ng moderate sea condition sa Southern Tagalog habang light to moderate naman sa Bicol region at Western Visayas.
Patuloy naman ang 24/7 nationwide monitoring ng PCG Operations Center para sa istriktong implementasyon ng guidelines sa galaw ng mga sasakyang-pandagat.
Nakaalerto rin ang Coast Guard Districts, Stations, at Sub-Stations across sa bansa sakaling magkaroon ng emergency situations, katuwang ang Regional Disaster Risk Reduction and Management Council (RDRRMC).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.