Bahagya pang lumakas ang Typhoon Kiko habang kumikilos sa Philippine Sea.
Sa severe weather bulletin ng PAGASA bandang 11:00 ng umaga, huling namataan ang sentro ng bagyo sa layong 1,120 kilometers Silangan ng Central Luzon dakong 10:00 ng umaga.
Taglay nito ang lakas ng hanging aabot sa 155 kilometers per hour malapit sa gitna at pagbugsong aabot sa 190 kilometers per hour.
Tinatahak ng bagyo ang direksyong Kanluran Timog-Kanluran sa bilis na 20 kilometers per hour.
Sa ngayon, wala pang nakataas na Tropical Cyclone Wind Signal sa anumang parte ng bansa.
Inaasahang magsisimulang makaranas ng malakas na buhos ng ulan ang Silangang bahagi ng Northern Luzon sa araw ng Biyernes, September 10.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.