PSG, itinangging konektado sa hanay ang Chinese na nasawi sa anti-drug ops sa Quezon
Pinabulaanan ng Presidential Security Group (PSG) na konektado sa kanila ang isang Chinese national na napatay sa isang drug operation sa Candelaria, Quezon.
Ayon kay PSG Commander Colonel Randolph Cabangbang, base sa intelligence verification ng kanilang hanay, hindi miyembro o konektado sa PSG ang drug suspek.
Nabatid na ang napatay na Chinese national ay nakasuot ng kulay asul na polo shirt at may logo ng PSG.
Hindi rin aniya uniporme ng PSG ang suot ng suspek bagkus ang ganitong mga uri aniya ng damit ay readily available at nabibili sa alinmang military supply shop.
Ayon pa kay Cabangbang, ang anumang merchandize o gamit na nagpapakita ng PSG seal ay madaling magaya.
Tiniyak ni Cabangbang sa publiko na mananatili sa pinakamataas na uri ng disiplina at ethical standards ang PSG at kaisa sila sa anti-drug war campaign ng pamahalaan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.