Inanunsiyo ng Philippine National Police (PNP) na higit 220,000 ang nasita dahil sa ibat-ibang paglabag sa minimum health protocols simula nang pairalin ang modified enhanced community quarantine (MECQ) noong Agosto 21 hanggang kahapon, Setyembre 6.
Sa datos na inilabas ng PNP at base sa kabuuang bilang, 149,110 ang nabigyan ng warning, pinagmulta at inaresto mula sa nabanggit na panahon sa Metro Manila.
Ito ay pagpapakita na 8,718 kada araw ang nasisita na mga lumalabag sa minimum health protocols.
Pinakamaraming nasita sa paglabag sa curvew sa bilang na 53,383 o 3,493 kada araw.
Sa mga nasita naman sa non-essential travels, 759 kada araw ang nasita para sa kabuuang bilang 12,906.
Sa mga lalawigan ng Cavite, Bulacan, Laguna at Rizal, kabuuang 572,023 ang nasita at 134,407 sa curfew violation.