P44k lang ang laman ng accounts ni Duterte ayon sa kaniyang abogado
Pinabulaan ng kampo ni Presidential Candidate Davao Mayor Rodrigo Duterte na ilang daang milyong piso ang laman ng dalawang account ng alkalde sa Bank of the Philippine Island.
Ayon kay PDP Laban Spokesperosn Atty. Paola Alvarez, sa isang account ni Duterte umaabot lamang sa P17,000 ang nakadeposito dito, habang ang isang accounts naman ay nasa P27, 000 ang laman at hindi milyong piso gaya ng inaakusa ni vice presidential candidate Sen. Antonio Trillanes IV.
Sinabi pa ni Alvarez na nauna nang itinanggi ni Jose Teodoro Limcaoco, Managing Director and Chief Financial Officer ng Ayala Corporation at owner ng BPI, ang alegasyon at sinabing hindi aabot sa P211 milyon ang nakadeposito sa accounts ni Duterte sa BPI.
Ayon naman kay Duterte, inatasan na niya ang kanyang abagado na si Atty. Salvador Panelo para harapin si Trillanes sa Lunes upang buksan ang kanyang account sa BPI.
“My account has only P17,000 and they can dig it up. My lawyer said I have no unexplained wealth, only unexplained poverty,” ani Duterte
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.