Operasyon ng DFA Consular Office sa SM Megamall, suspendido hanggang September 3

Pansamantalang isususpinde ng Department of Foreign Affairs (DFA) ang Consular Office (CO) NCR East branch, sa SM Megamall, simula August 31 hanggang September 3, 2021.

Paliwanag ng kagawaran, tinukoy ang mga tauhan ng CO NCR East bilang close contacts ng isang COVID-19 positive individual.

Bilang pagsunod sa guidelines ng Inter-Agency Task Force (IATF) for Emerging Infectious Diseases, sasailalim ang mga DFA personnel sa self-quarantine.

“All scheduled passport appointments during this period will be rescheduled soonest,” saad ng DFA.

Ayon sa kagawaran, makakatanggap ang mga apektadong aplikante ng email ukol sa alternatibong alternative passport appointment schedule.

Humingi naman ng pang-unawa ang DFA sa publiko.