Inilagay na ng Philippine National Police sa full alert status ang kapulisan sa buong bansa para sa paparating na May 9 local and national elections.
Ayon kay PNP spokesperson chief superintendent Wilben Mayor, ang full alert status ay base sa direktiba ni PNP Chief Director General Ricardo Marquez.
Sa ilalim ng full alert status, lahat ng leave ng mga police personnel ay kanselado at lahat ay obligado na nasa kanilang mga istasyon at maging handa sa deployment.
Dagdag ni Mayor, tigil muna lahat ng seminars ng mga pulis para ma-maximize ang kanilang deployment.
Sinabi pa ni Mayor na ang PNP ay nagsimula na sa pag-aacount sa mga reserve forces mula sa national level at regional level kung saan ang mga ito ay ide-deploy sakaling kailanganin ang karagdagang tropa ng mga pulis sa mga lugar na nangangailangan nito.
Ang mga probinsyang nasa ilalim ng election watchlist ay ang Abra, Pangasinan, Masbate, Negros Oriental, Lanao Del Sur, Maguindanao at Western Samar.
Samantala ayon kay Military spokesperson Brig. Gen. Restituto Padilla na ang Armed Forces of the Philippines ay ilalagay sa heightened alert sa susunod na linggo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.