Glan, Sarangani niyanig ng magnitude 5.6 na lindol; Aftershocks, asahan

Tumama ang magnitude 5.6 na lindol sa Sarangani, Biyernes ng gabi.

Ayon sa Phivolcs, namataan ang episentro ng lindol sa layong 28 kilometers Southeast ng Glan dakong 6:22 ng gabi.

May lalim na 63 kilometers ang lindol at tectonic ang origin.

Bunsod nito, naitala ang mga sumusunod na instrumental intensity:
Intensity IV – General Santos City
Intensity III – Kidapawan City; Koronadal City
Intensity I – Zamboanga City

Wala namang napaulat na pinsala sa bayan ng Glan at mga karating na lalawigan.

Ngunit babala ng Phivolcs, maaring makaranas ng aftershocks matapos ang malakas na pagyanig.