Higit 1.6-M katao sa Quezon City, nabakunahan na vs COVID-19

Sumampa na sa 1.6 milyon ang bilang ng mga naturukan ng COVID-19 sa Quezon City.

Sa datos hanggang 8:00, Biyernes ng umaga (August 27), umabot na sa 1,608,290 o 94.61 porsyento ng 1.7 milyong target ang naturukan ng unang dose habang 729,868 o 45.44 porsyento naman nabigyan ng ikalawang dose.

Dahil dito, umabot na sa kabuuang 2,338,158 ang naiturok na bakuna sa tulong ng mga health worker, staff at volunteer sa naturang lungsod.

Patuloy namang hinihikayat ang publiko na magpabakuna na upang mabigyan ng proteksyon laban sa COVID-19, lalo na sa mas nakakahawang Delta variant.