Road reblocking ng DPWH sa EDSA, C5 itutuloy sa weekend
Magsasagawa muli ng road repair and reblocking ang Department of Public Works and Highways (DPWH) sa bahagi ng EDSA at C5 sa weekend.
Ayon sa Metropolitan Manila Development Authority (MMDA), magsisimula ang aktibidad bandang 11:00, Biyernes ng gabi (August 27).
Narito ang mga maaapektuhang kalsada:
1. EDSA-Caloocan (Southbound) pagkatapos ng B Serrano St. (3rd lane mula sa sidewalk) at A. De Jesus St. (4th lane mula sa sidewalk)
2. C5 Road (Northbound) bago ang McKinley
Muli namang bubuksan ang mga apektadong kalsada bandang 5:00, Lunes ng madaling-araw (August 30).
Inabisuhan naman ang mga motorista na pansamantalang dumaan sa mga alternatibong ruta.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.