(Palace photo)
Maganda ang dolomite sa mata ng publiko, period.
Depensa ito ni Pangulong Rodrigo Duterte sa gitna ng batikos sa multi-million peso project na pagtatambak ng dolomite para mapaganda ang Manila Bay.
“What is beautiful is beautiful, period. Dolomite is beautiful to the eyes, period. Huwag ka nang magtanong kasi hindi naman ninyo kaya kung kayo. You had your chance, actually,” pahayag ng Pangulo.
Sinabi pa ng Pangulo na tanging si Environment Secretary Roy CImatu lamang ang nagpaganda sa Manila Bay.
Aabot sa P389 milyon ang inilaang pondo ng Department of Environment and Natural Resources para sa rehabilitation program ng Manila Bay.
Umani ng batikos ang proyekto dahil hindi napapanahon ang pagpapaganda sa Manila Bay lalo’t may kinakaharap na pandemya ang bansa sa COVID-19.