Higit 1M videos inalis ng YouTube dahil sa fake COVID 19 informations
Inanunsiyo ng YouTube na tinanggal nila ang higit sa isang milyong videos dahil sa naglalaman ang mga ito ng ‘dangerous coronavirus misinformation.’
Sa pahayag na inilabas ng Google, ginawa nila ang hakbang dahil sa mga banat ng mga opisyal ng mga bansa sa kabiguan na mapigilan ang pagkalat ng mga mali at nakakasamang impormasyon ukol sa COVID 19.
Binanggit din sa pahayag na ang pag-alis ng mga videos ay base sa opinyon ng mga eksperto mula sa ibat-ibang health organizations, kasama na ang US Centers for Disease Control at World Health Organization (WHO).
“Our policies center on the removal of any videos that can directly lead to egregious real world harm. Since February of 2020, we’ve removed over one million videos related to dangerous coronavirus information, like false cures or claims of a hoax,” sabi ni Google chief product officer Neal Mohan.
Aniya ngayon may pandemya napakahalaga na ang naibabahagi sa mga tao ay ang pinakatamang impormasyon para sa kanilang kaligtasan at pati na rin ng kanilang pamilya.
Pagtitiyak ni Mohan na minamadali nila ang pagtanggal sa mga videos na may mga maling impormasyon at kasabay nito ang pagbibigay naman ng mga may tama at angkop na impormasyon ukol sa COVID 19.
“When people now search for news or information, they get results optimized for quality, not for how sensational the content might be,” sabi pa nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.