BREAKING: 18,332 bagong kaso ng COVID-19, naitala sa Pilipinas sa loob ng isang araw
Lagpas sa 18,000 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Lunes (August 23), pumalo na sa 1,857,646 ang confirmed cases ng nakakahawang sakit sa bansa.
Sa nasabi kasing bilang, 130,350 o 7.0 porsyento ang aktibong kaso.
Sinabi ng kagawaran na 18,332 ang bagong napaulat na kaso ng COVID-19 sa bansa.
94.8 porsyento sa active COVID-19 cases ang mild; 2.5 porsyento ang asymptomatic; 0.92 porsyento ang moderate; 1.2 porsyento ang severe habang 0.6 porsyento ang nasa kritikal na kondisyon.
Nasa 151 naman ang napaulat na nasawi.
Dahil dito, umakyat na sa 31,961 o 1.72 porsyento ang COVID-19 related deaths sa bansa.
Ayon pa sa DOH, 13,794 naman ang gumaling pa sa COVID-19.
Dahil dito, umakyat na sa 1,695,335 o 91.3 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.