BREAKING: Pilipinas, nakapagtala ng 11,085 na bagong kaso ng COVID-19
Lagpas sa 11,000 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Miyerkules (August 18), pumalo na sa 1,776,495 ang confirmed cases ng nakakahawang sakit sa bansa.
Sa nasabi kasing bilang, 105,151 o 5.9 porsyento ang aktibong kaso.
Sinabi ng kagawaran na 11,085 ang bagong napaulat na kaso ng COVID-19 sa bansa.
96.0 porsyento sa active COVID-19 cases ang mild; 1.0 porsyento ang asymptomatic; 0.91 porsyento ang moderate; 1.3 porsyento ang severe habang 0.7 porsyento ang nasa kritikal na kondisyon.
Nasa 161 naman ang napaulat na nasawi.
Dahil dito, umakyat na sa 30,623 o 1.72 porsyento ang COVID-19 related deaths sa bansa.
Ayon pa sa DOH, 11,628 naman ang gumaling pa sa COVID-19.
Dahil dito, umakyat na sa 1,640,721 o 92.4 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.