Sen. Bong Go: Filipino Olympians nagbigay din ng pag-asa ngayon pandemya

By Jan Escosio August 11, 2021 - 12:47 PM
OFFICE OF SEN. BONG GO OFFICE

Todo-puri si Senator Christopher Go sa mga atletang Filipino na sumabak sa 2020 Tokyo Olympics.

Ayon kay Go bukod sa pagbibigay ng karangalan sa bansa, nagsilbi din inspirasyon ng sambayanan ang mga pambansang atleta.

Bukod dito, ayon pa sa senador, ay binigyan pag-asa din ng mga ito ang lahing Filipino sa kalagitnaan ng matinding pandemya.

“As chair of the Senate Committee on Sports, I assure you of my unrelenting and wholehearted support for our athletes and the entire sports community,” sabi ni Go.

 

Nangako din ito ng patuloy na pagsuporta sa sektor ng palakasan sa pamamagitan ng pagsusulong ng mga batas para sa kapakanan ng sports sa bansa, gayundin para sa paghubog ng mga bagong atleta na magbibigay karangalan sa bansa.

 

Sa katatapos na Tokyo Olympics, pumuwesto na pang-50 ang Pilipinas dahil sa nahakot na isang gold medal, dalawang silver medals at isang bronze medals.

 

Ito ang pinakamaraming medalya na nahakot ng Pilipinas simula nang makilahok ang bansa sa Olympics noong 1924.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Subscribe to our daily newsletter

By providing an email address. I agree to the Terms of Use and
acknowledge that I have read the Privacy Policy.