‘No vaccine, no work’ policy ng mga kompaniya, ilegal – DOLE chief

Ipinagdiinan ni Labor Secretary Silvestre Bello III na ilegal ang anuman polisiya na nagbabawal sa isang kawani na mag-trabaho kung hindi pa siya bakunado ng COVID 19 vaccine.

 

Aniya walang legal na basehan ang mga negosyante na pilitin ang kanilang mga manggagawa o empleado na magpabakuna.

 

Giit niya ang ‘freedom of choice’ ay ginagarantiyahan sa Saligang Batas.

 

Katuwiran pa ni Bello dahil kulang pa ang suplay ng bakuna sa bansa, hindi talaga maaring pilitin ang sinoman na magpaturok ng sinasabing proteksyon laban sa COVID 19.

 

Sinabi pa nito na maari din gawin basehan ng empleado ang nais niyang brand ng COVID 19 vaccine na nais niyang maiturok sa kanya.

 

Hinihikayat ni Bello ang mga manggagawa na isumbong sa kanyang tanggapan ang mga kompaniya na nagpapatupad ng ‘no vaccine, no work’ policy.

 

Read more...