(Facebook post of Nas Daily)
Sa loob lamang ng tatlong araw, nabawasan ng 370,000 followers sa Facebook ang sikat na vlogger na si Nas Daily o Nuseir Yassin.
Ito ay matapos madawit sa kontrobersiya si Nas nang magreklamo ang apo ng traditional tattoo artist ng Pilipinas na si Whang-Od na at ang entrepreneur na si Louise Mabulo.
Ayon sa analytics ng Facebook, nagsimulang mabawasan ng follower si Nas noong August 4 nang lumutang sa social media ang apo ni Whang-Od na si Grace Palicas na nagsasabing hindi pumirma ang kanyang lola sa ano mang kontrata kay Nas para Nas Academy upang magturo ng pagta-tattoo.
Sinundan pa ng kontrobersiya si Nas nang mag-post din sa Facebook si Mabulo ukol sa masamang karanasan sa vlogger.
Mula sa 20.98 million na followers, nasa 20.59 million na lamang ang followers ngayon ni Nas.