Bilang ng APORs na nakapag-avail ng libreng sakay sa railway lines, higit 70,000 na
Umaarangkada pa rin ang pagbibigay ng libreng sakay sa mga Authorized Persons Outside Residence (APOR) sa railway lines.
Sa datos hanggang August 4, umabot na sa 71,966 na bakunadong pasahero ang nakapag-avail ng libreng pamasahe sa MRT-3, LRT-2, at PNR.
Sa nasabing bilang, 17,496 na pasahero ang LRT-2 ang nalibre, 49,953 sa MRT-3 habang 4,517 naman sa PNR.
Matatandaang ipinag-utos ni Transportation Secretary Art Tugade ang libreng sakay sa mga pasahero naturukan na ng una at ikalawang dose ng COVID-19 vaccine.
Para ma-avail ang libreng sakay, kailangan lang ipakita ng mga bakunadong pasahero ang kanilang vaccination cards.
Epektibo ang libreng sakay sa railway lines hanggang August 20, 2021 kasabay ng pagpapatupad ng Enhanced Community Quarantine (ECQ) sa National Capital Region (NCR).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.